Thursday, October 29, 2015

వందేళ్ల చరిత్రలేని ప్రపంచ ప్రఖ్యాత పర్యాటక నగరాలు

వందేళ్ల చరిత్రలేని ప్రపంచ ప్రఖ్యాత పర్యాటక నగరాలు


ప్రస్తుతం ప్రపంచ వ్యాప్తంగా పర్యాటకులను విశేషంగా ఆకర్షిస్తున్న కొన్ని ప్రముఖ నగరాలకు కనీసం వందేళ్లు కూడా చరిత్ర లేదు. పర్యాటక రంగాన్ని అభివృద్ధి చేయాలనే ఉద్దేశంతో నిర్మించిన ఈ నగరాలు కొద్దికాలంలోనే మహానగరాలుగా మారి....విశ్వఖ్యాతిని ఆర్జించాయి. అలాంటి ప్రముఖ నగరాలను కొన్నింటిని పరిశీలిద్దాం...


అట్లాంటా(అమెరికా)

అమెరికాలో ప్రముఖ ప‌ర్యాటక నగరంగా పేరొందిన అట్లాంటా
1854లో ఏర్పడింది. అప్పట్లో అది మూడు పట్టణాల సముదాయంగా ఉండేది. నూయార్క్‌లోని కుబేరులకు విహార యాత్రా స్థలంగా మొదట ఈ నగరం రూపుదిద్దుకుంది. ఎన్నో రిసార్ట్‌లను ఇక్కడ నిర్మించారు. 1874 నుంచి ఏడాదికి దాదాపు 5 లక్షల మంది పర్యాటకులను ఈ నగరంఆకర్షిస్తోంది.ఆ తర్వాత అట్లాంటా అనూహ్యంగా అభివృద్ధి చెంది మహానగరంగా రూపుదిద్దుకుంది. ఒలింపిక్స్‌కు కూడా అతిథ్యమిచ్చింది. జూద క్రీడకు ఈ నగరం పేరెన్నికగన్నది.

దుబాయి(యునైటెడ్‌ అరబ్‌ ఎమిరేట్స్‌)


సరిగ్గా 30 ఏళ్ల క్రితం ఇప్పుడున్న దుబాయి నగరం పూర్తిగా ఓ ఎడారి ప్రాంతం. 1900లో ఇరాన్‌తో వాణిజ్యానికి ఇది ప్రధాన నౌకాకేంద్రంగా ఉండేది. 1960 నుంచి దుబాయ్‌....అనేక అంతర్జాతీయ కంపెనీలకు గమ్యస్థానంగా మారింది. మౌలిక సదుపాయాలు అద్భుత రీతిలో అభివృద్ధి చెంది ఎన్నో ఆకాశహర్మ్యాలు వెలిశాయి. కనీవినీ ఎరుగని రీతిలో దుబాయ్ ఎదిగింది. 2013 నుంచి ప్రపంచంలో పర్యాటకులు ఎక్కువ సందర్శిస్తున్న నగరాల జాబితాలో దుబాయ్‌ ఏకంగా ఏడోస్థానాన్ని ఆక్రమించింది.


లాస్‌ వెగాస్‌(అమెరికా)

ప్రపంచంలో వేడుకల రాజధానిగా ఖ్యాతినార్జించిన అమెరికాలోని లాస్‌వెగాస్‌ నగరాన్ని 1905లో నిర్మించారు. 24 ఏళ్ల తర్వాత నెవడా జూదాన్ని చట్టబద్ధం చేసిన తర్వాత లాస్‌వెగాస్‌ పేరు ప్రపంచ వ్యాప్తంగా మార్మోగింది. వివిధ దేశాల నుంచి వచ్చిన జూదగాళ్లకు ఇది కేంద్రంగా మారింది. ఆబాలగోపాలాన్ని అలరించేలా ఈ నగరం రూపుదిద్దుకుంది. ప్రపంచ వ్యాప్తంగా పర్యాటకులను విశేషంగా ఆకర్షిస్తోంది.

కాన్‌కన్‌ (మెక్సికో)




ప్రస్తుతం ప్రపంచంలో విహార యాత్రలకు అత్యుత్తమ విడిదిగా పేరుగాంచిన మెక్సికోలోని కాన్‌కన్‌ నగరంలో.....45 ఏళ్ల క్రితం కేవలం ఇసుక మాత్రమే ఉండేది. కానీ మెక్సికో ప్రభుత్వం పెద్ద మొత్తంలో నిధులు ఖర్చు చేసి కాన్‌కన్‌ను పర్యాటక నగరంగా మార్చింది. ఇప్పుడు ఈ నగరంలో 200కిపైగా స్టార్‌ హోటళ్లు ఉన్నాయి. ఐక్యరాజ్యసమితి వాతావరణ మార్పు సదస్సుకు ఇది అతిథ్యమిచ్చింది. మెక్సికోలోని ఆకర్షణీయ పర్యాటక ప్రాంతాల్లో కాన్‌కన్‌ ఒకటి. ప్రపంచ ప్రఖ్యాత సెలబ్రిటీలు సెలెనా గోమెజ్‌, అడం సాండ్లర్, సెత్‌ రొజెన్‌ వంటివారు తరచుగా ఈ నగరాన్ని సందర్శిస్తూ ఉంటారు.

థేమ్స్‌ పట్టణం (చైనా)



షాంగై నగర విస్తరణలో భాగంగా థేమ్స్‌ పట్టణాన్ని చైనా నిర్మించింది. 500 మిలియన్‌ డాలర్ల ఖర్చుతో నిర్మించిన థేమ్స్‌ నగరం 2006లో పూర్తైంది. ప్రపంచ వ్యాప్తంగా పర్యాటకులను విశేషంగా ఆకర్షిస్తోంది. జేమ్స్‌బాండ్‌, విన్‌స్టన్‌ చర్చిల్‌ కాంస్య విగ్రహాలు ఇక్కడ ప్రధాన ఆకర్షణలు. విక్టోరియన్‌, జార్జియన్‌, టుడార్‌ నిర్మాణ శైలితో ఇక్కడ అనేక ఇళ్లు రూపుదిద్దుకున్నాయి. షాంగై నగరానికి 19 మైళ్ల దూరంలో ఈ పట్టణం ఉంది.



1 comment:


  1. నిజమే.పైన మీరు చెప్పిన నగరాలు ప్రపంచ ప్రశస్తి పొందాయి.అలాగే స్వాతంత్ర్యం వచ్చాక మనం ప్లాను ప్రకారం చక్కగా నిర్మించుకున్న '' చండీఘడ్ '' ని కూడా మనం highlight చెయ్య వచ్చును కదా. మీరు ఆ ఫొటోలు కూడా కొన్ని మీ బ్లాగులో పెట్టండి.

    ReplyDelete